تراهني على حبك ؟!

تراهنّي على حبك ؟

وانت الصبح في يومي

وفرحه تبــدد همومي

تراهنّي ؟ وانا مااقدر على بعدك !

على صــــدّك ..

وانت الصّمت في صمتي

وثواني تـمـرّ في وقتي ..

وأنت الكل بـ عيوني

وعمري وبسمتي وكوني ..

وانت الليل في ظلمتك

وعزّ البرد في غيبتك ..

ودنيا انت مو فيها .. تأكد آنا مابيها ..

حبيبي بس عشانك أنت .. رضيت اكون لك ميناء ..

وأدري فيك ماتغرق .. إذا بحر الفراق أعمق ..

بتلقاني بأقصى اليم .. أو بتلقى مراكب هم ..

وانت بكيفك تقرر .. تبي تبحر ؟!

أو ابقى لك أنا الساحل ؟!

وجنون العاشق العاقل ..

ترك كل الذي عنده وجا ينشدك

تصير انت بحياته الظل .. وآخر عمره و الأول ..

وبـ ْ نبضه تجري مجرى الدّم ..

طـلـبـتـْك !! و تكفى قلّه : تم !