طبعا راح تنزل كوليكشن style black و هذي كل شي فيها اسود (طبعا انا اول يوم راح اكون مناك علشان اخمط كل شي )
طبعا الصور اللي راح احطهم مو انا اللي شاريتهم .. ناس شارينهم و حاطينهم في البلوقات ملوتهم طبعا كلهم اجانب لان مثل ما قلت الكوليكشن لين الحين ما نزلت عندنا الشرق الاوسط و الصور كلها من موقع temptalia للامانه
هذي صورة كل منتجات الكوليكشن
و هذي صورة كل المنتجات اللي فعلا لونها اسود بالكوليكشن
اول شي الحمر:
من اليمين لين اليسار:
mac lipstick in black knight
هذي الحمرة لونها اسود .. مثل الصورة اللي فوق
mac mattene lipstick in night violet
هذي حمرة بنفسجيه غامجه .. حق اللي ما يقدرون يحطون حمرة سوده و هذي لمن تحطينها مع غلوس black fire اللي من نفس الكوليكشن النتيجة روعه
mac mattene lipstick in midnight media
هذي حمرة سوده بس مو وايد وايد اسود .. و فيها شويه لمعه كانج حاطة clear gloss فما تكون الاسود الاسود مثل الصورة فوق
***
و الحين القلوسات:
من اليسار لين اليمين
mac glimmerglas in blackware
هذا قلوس اسود بس مثل ما قلت . ما يعطي الاسود القوي .. ان حبيتي تحطينه مع واحد من الحمر اللي فوق يطلع عجيب
mac glimmerglas in black bling
هذا قلوس اسود لكن مع لمعه ذهبيه .. لكن القلوسات عموما في هالكوليكشن تاثيرهم الحلو يكون اقوى بوايد لمن ينحطون مع الحمر
mac glimmerglas in night violet
قلوس اسود مع لمعه بنفسجيه على ورديه .. و هذا اللون اكثر شي حلو مع الحمره البنفسجيه اللي فوق
و الحين براويكم الشدو
و اللي برايي اهو احلى شي بالكوليكشن
طبعا كل الشدوهات من نواع mineralize shadow يعني مكون من المعادن الطبيعيه و ما تسبب حساسيه كلش
اهو 4 شدوهات .. و اللون الساسي فيهم اهو الاسود و يفضل استخدامهم مع تبليل الفرشاه بالماء او بقطره للعين (من النوع اللي يستعمل للعدسات اذا نشفوا واهم بالعين)
mac minaralize eye shadow in young punk
شدو اسود بلمعه بنفسجيه على وردي
mac minaralive eyeshadow in glit by association
شدو اسود بلمعه برونزية او ذهبيه
هذي صورتهم على الايد .. على اليمين و اهم ناشفين .. و على اليسار ابعد ما بللنا الفرشاه بالماي و نشفوا
mac minaralize eyeshadow in cinderfella
شدو اسود بملعه فضية
mac minaralize eyeshadow in blue flame
شدو اسود بلمعه زرقا
هذي صورتهم على اليمين و اهم ناشفين .. و اليسار مبللين
و الحين براويكم البيس للجفون
مع ملاحظة هذا البيس بس للالوان .. لكن يبيلج بيس ثاني للجفون علشان الالوان كلها لا تدش داخل الجفن و تروح مع الوقت .. خصوصا ان كانت بشرتج دهنيه او جفونج دهنيه .. و همن ينصح انج ما تكثرين منه
و همن راح اراويكم شدو اسود للجفون بس ما يبيح و تقدرين تستعملينه ككحل .. همن من هالكوليكشن
المنتجات من اليسار لين اليمين
mac cream color base in bat black
هذا اللون مثل اسمه مو اسود اسود .. اسود مثل لون الخفاش و اهو صاير مثل بيرغندي بلاك بس مع لون بيرغاندي اكثر من الاسود
mac cream color base in black
هذا لون اسود لكن مع شويييه بنفسجي
و الحين مع الشدو الاسود
mac greasepaint stick in black
شدو اسود مع شويه لمعه بنفسجيه .. تقدرين تدمجينه بس همن ما يسيح بسرعه و تقدرين تستعملينه مثل الكحل
و اخر شي عندنا صبغ الاظافر
عندنا 3 الوان صبغ اظافر
mac nail laquer in nocturnelle
صبغ اسود فاحم
mac nail laquer in seriously hip
صبغ اسود مع لمعه ذهبيه - برونزيه
mac nail laquer in baby goth girl
صبغ اسود مع لمعه بنفسجيه - ورديه و هذا اللون فاز بجائزة مجله الور best of beauty 2009
و هالكوليكشن تتضمن كحل اسود فاحم و اي لاينر سائل بس ما عرضت عنهم شي لانهم موجودين بماك بمل وقت يعني مو ليميتيد اديشن و همن يي مع هالكوليكشن ماسك و مقشر بخلاصة الرماد البركاني .. و همن لونهم اسود